Das Buch Josua

Das Bucĥ
Jóſua.

II.

DIE EROBERUNG DES WESTJORDANLANDS

II.1.

Die Erkundung Jerichos durch Josuas Spione

II.

Josuas Kundschafter bei Rahab in Jericho

IOſua aber der ſon Nun / hatte zween Kund­ſchaf­fer heim­lich aus­ge­ſand von Sit­tim / vnd jnen ge­ſagt / Ge­het hin / be­ſe­het das Land vnd Je­ri­ho. Die gien­gen hin / vnd ka­men in das haus einer Hu­ren / die hies Rahab / vnd kereten zu jr ein.

DA ward dem Könige zu Je­ri­ho geſagt / Sihe / es ſind in die­ſer nacht Menner her ein komen von den kin­dern Iſ­ra­el / das Land zu erkunden. ³Da ſand­te der König zu Je­ri­ho zu Rahab / vnd lies jr ſa­gen / Gib die Menner heraus / die zu dir in dein haus komen ſind / Denn ſie ſind komen das gantze Land zu erkunden. ⁴Aber das Weib verbarg die zween Menner / vnd ſprach al­ſo / Es ſind ja Menner zu mir herein komen / Aber ich wuſte nicht von wannen ſie waren. ⁵Vnd da man die Thor wolt zuſchließen / da es fin­ſter war / gien­gen ſie hinaus / das ich nicht weis / wo ſie hin gangen ſind / Jaget jnen eilend nach / denn jr wer­det ſie ergreiffen. ⁶Sie aber lies ſie auff das Dach ſteigen / vnd verdecket ſie vn­ter die flachsſtengel / den ſie jr auff dem dach ausgebreitet hatte. ⁷Aber die Menner jagten jnen nach auff dem wege zum Jordan / bis an die Furt / vnd man ſchlos das thor zu / da die hin aus waren / die jnen nachiagten.

Der Bund Rahabs mit den Kundschaftern

VND ehe denn die Menner ſich ſchlaffen legten / ſteig ſie zu jnen hin auff auff das Dach / ⁹vnd ſprach zu jnen / Ich weis das der HERR euch das Land gegeben hat / Denn ein ſchrecken iſt vber vns gefallen fur euch / vnd alle Ein­wo­ner des Lands ſind fur ewr zu­kunfft feig wor­den. ¹⁰Denn wir haben

gehört / wie der HERR hat das wa­ſſer im Schilffmeer ausgetrocknet fur euch her / da jr aus Egyp­ten zoget / Vnd was jr den zween Königen der Amo­ri­ter Sihon vnd Og / jenſeid dem Jordan ge­than habt / wie jr ſie verbannet habt. ¹¹Vnd ſint wir ſolchs ge­hö­ret haben / iſt vn­ſer hertz verzagt / vnd iſt kein mut mehr in jemands fur ew­er zu­kunfft / Denn der HERR ewr Gott / iſt ein Gott / beide oben im Hi­mel / vnd vnten auff Erden.

¹²SO ſchwe­ret mir nu bey dem HER­RN / das / weil ich an euch barm­her­tzig­keit ge­than habe / das jr auch an meines Vaters hau­ſe barm­her­tzig­keit thut / Vnd gebt mir ein gewis Zei­chen ¹³das jr leben la­ſſet mei­nen Va­ter / meine Mutter / meine Brüder vnd meine Schweſter / vnd alles was ſie haben / vnd erretet vn­ſer Seelen von dem tode. ¹⁴Die Menner ſpra­chen zu jr / Thun wir nicht barm­her­tzig­keit vnd trew an dir / wenns vns der HERR das Land gibt / So ſol vn­ſer ſeele fur euch des tods ſein / So fern du vn­ſer Geſchefft nicht verrheteſt.

¹⁵DA lies ſie die ſelben am ſeil durchs Fenſter ernider / denn jr Haus war an der Stadmaure / vnd ſie wonet auch auff der mau­ren. ¹⁶Vnd ſie ſprach zu jnen Gehet auff das Gebirge / das euch nicht begegen die euch nachiagen / vnd verberget euch da­ſelbs drey ta­ge / bis das die widerkomen / die euch nachiagen / Darnach ge­het ew­re ſtraſſe.

DIe Menner aber ſpra­chen zu jr / Wir wollen aber des Eids los ſein / den du von vns genomen haſt / ¹⁸Wenn wir komen ins Land / vnd du nicht dis rote Seil in das fen­ſter knüpffeſt / da mit du vns ernider ge­laſ­ſen haſt / vnd zu dir ins haus verſamleſt / deinen Va­ter / deine Mutter / deine Brüder vnd deins Vaters gantzes haus. ¹⁹Vnd wer zur thür deins hau­ſes eraus ge­het / des blut ſey auff ſeim heubt / vnd wir vnſchüldig. Aber aller die in deinem hau­ſe ſind / ſo eine hand an ſie gelegt wird / So ſol jr blut auff vn­ſerm heubt ſein. ²⁰Vnd ſo du et­was von die­ſem vn­ſern Geſchefft wirſt nachſa­gen / ſo wollen wir des Eids los ſein / den du von vns genomen haſt. ²¹Sie ſprach / Es ſey wie jr ſagt / vnd lies ſie gehen / Vnd ſie gien­gen hin / Vnd ſie knüpfft das rote Seil ins fen­ſter.

Die Rückkehr der Kundschafter

SIE aber gien­gen hin vnd ka­men auffs Gebirge / vnd blieben drey ta­ge da­ſelbs / bis das die widerkamen / die jnen nachiagten / Denn ſie hatten ſie geſucht auff allen ſtraſſen / vnd doch nicht funden. ²³Al­ſo kereten die zween Menner wider / vnd gien­gen vom Gebirge / vnd furen vber / vnd ka­men zu Joſua dem ſon Nun / vnd erzeleten jm alles / wie ſie es funden hatten / ²⁴vnd ſpra­chen zu Joſua / Der HERR hat vns alles Land in vn­ſer hende gegeben / Auch ſo ſind alle Ein­wo­ner des Landes feig fur vns.

✽