Das Buch Josua

Das Bucĥ
Jóſua.

II.4.

Achans Diebstahl am Verbannten aus Jericho

VII.

Die Verletzung des Bannes über Jericho durch Achan

ABer die kin­der Iſ­ra­el ver­grif­fen ſich an dem Ver­ban­ten / Denn Achan der ſon Char­mi / des ſons Sab­di / des ſons Se­rah / vom ſtam Ju­da / nam des ver­ban­ten et­was / Da er­grim­met der zorn des HER­RN vber die kin­der Iſ­ra­el.

Die Niederlage der Israeliten beim Versuch, die Stadt Ai einzunehmen

DA nu Joſua Men­ner ausſand von Je­ri­ho gen Ai / die bey BethAuen ligt / gegen dem morgen fur BethEl / vnd ſprach zu jnen / Gehet hin auff / vnd verkundſchafft das Land. Vnd da ſie hin auff gegangen waren / vnd Ai verkundſchafft hatten / ³kamen ſie wi­der zu Joſua / vnd ſpra­chen zu jm / Las nicht das gantze volck hin auffziehen / Son­dern bey zwey oder drey tau­ſent Man / das ſie hinauff ziehen / vnd ſchlahen Ai / das nicht das gantz volck ſich da­ſelbs bemühe / Denn jr iſt wenig.

⁴Al­ſo zogen hinauff des volcks bey drey tau­ſent man / Vnd die flohen fur den Men­nern zu Ai / ⁵Vnd die von Ai ſchlu­gen jr bey ſechs vnd drei­ſſig Man / vnd jagten ſie fur dem thor bis gen Sabarim / vnd ſchlu­gen ſie den weg erab / Da ward dem volck das hertz verzagt / vnd ward zu wa­ſſer.

Josuas Gebet nach der Niederlage

JOſua aber zureis ſei­ne Kleider / vnd fiel auff ſein Angeſicht zu erden / fur der Laden des HER­RN / bis auff den abend / ſampt den El­te­ſten Iſ­ra­el / vnd worffen ſtaub auff jre heubter. ⁷Vnd Joſua ſprach / Ah HErr HERR / Warumb haſtu dis volck vber den Jordan gefürt / das du vns in die hende der Amo­ri­ter gebeſt vns vmb zu­brin­gen? O das wir we­ren jenſeid des Jordans blieben / wie wir angefangen hatten. ⁸Ah mein HErr / Was ſol ich ſa­gen / weil Iſ­ra­el ſei­nen Feinden den rück keret? ⁹Wenn das die Cananiter vnd alle einwoner des Landes hören / So wer­den ſie vns vmbgeben / vnd auch vn­ſern namen ausrotten von der Erden / Was wil­tu denn bey deinem gro­ſſen Namen thun?

Gott ant­wor­tet mit der Anklage der Verletzung des Bannes

¹⁰DA ſprach der HERR zu Joſua / Stehe auff / War­umb ligſtu al­ſo auff deinem angeſicht? ¹¹Iſ­ra­el hat ſich ver­ſün­di­get / vnd haben mei­nen Bund vber­gan­gen / den ich jnen geboten habe / Da zu ha­ben ſie des Verbanten genomen vnd geſtolen vnd ver­leug­net / vnd vn­ter jre Gerete gelegt. ¹²Die kin­der Iſ­ra­el mügen nicht ſtehen fur jren Feinden / ſon­dern müſſen jren Feinden den rücken keren / Denn ſie ſind im Bann / Ich wer­de fort nicht mit euch ſein / wo jr nicht den Bann aus euch vertilget.

¹³STehe auff vnd heilige das volck / vnd ſprich / Heiliget euch auff mor-

gen / Denn al­ſo ſagt der HERR der Gott Iſ­ra­el / Es iſt ein Bann vn­ter dir Iſ­ra­el / Da­r­umb kanſtu nicht ſtehen fur deinen Feinden / bis das jr den Bann von euch thut. ¹⁴Vnd ſollet euch früe erzu machen / ein Stam nach dem andern Vnd welchen ſtam der HERR treffen wird / der ſol ſich erzu machen / ein Ge­ſchlecht nach dem andern / Vnd welch Ge­ſchlecht der HERR treffen wird / das ſol ſich erzu machen / ein Haus nach dem andern / Vnd welch haus der HERR treffen wird / das ſol ſich erzu machen / ein Hauswirt nach dem andern. ¹⁵Vnd welcher erfunden wird im Bann / den ſol man mit Fewr verbrennen mit allem das er hat / Dar­umb / das er den Bund des HER­RN vberfahren / vnd eine torheit in Iſ­ra­el begangen hat.

Die Entlarvung Achans und dessen Bestrafung

DA macht ſich Joſua des mor­gens früe auff / vnd bracht Iſ­ra­el erzu / einen Stam nach dem andern / vnd ward getroffen der ſtam Juda. ¹⁷Vnd da er die Ge­ſchlecht in Juda erzu bracht ward getroffen das ge­ſchlecht der Serahiter. Vnd da er das ge­ſchlecht der Serahiter erzu bracht ein Hauswirt nach dem andern / ward Sabdi getroffen. ¹⁸Vnd da er ſein Haus erzu bracht / ein Wirt nach dem andern / ward getroffen Achan der ſon Charmi / des ſons Sabdi / des ſons Serah / aus dem ſtam Juda.

¹⁹VND Joſua ſprach zu Achan / Mein ſon / gib dem HER­RN dem Gott Iſ­ra­el die Ehre / vnd gib jm das Lob / vnd ſa­ge mir an / Was haſtu ge­than? vnd leugne mir nichts. ²⁰Da ant­wor­tet Achan Joſua / vnd ſprach / War­lich / ich hab mich verſündigt an dem HER­RN / dem Gott Iſ­ra­el / Al­ſo vnd al­ſo hab ich ge­than. ²¹Ich ſa­he vn­ter dem Raub einen köſtlichen Babyloniſchen Mantel / vnd zwey hundert ſekel ſilbers / vnd eine güldene a Zunge / funff­zig ſekel werd am gewichte / des gelüſtet mich / vnd nam es / Vnd ſi­he / es iſt verſchorren in die erden / in meiner Hütten / vnd das Silber drunder.

•  

  Das Buch Joſua, Cap. I.
  »Josua«

•  

  Das Buch Joſua, Cap. III.
  »Die Durchquerung des Jordans«

•  

  Das Buch Joſua, Cap. VI.
  »Die Eroberung Jerichos«

•  

  Das Buch Joſua, Cap. VII.
  »Achans Diebstahl am Verbannten aus Jericho«

•  

  Das Buch Joſua, Cap. X.
  »Josuas Sieg über fünf Könige«

²²DA ſand­te Joſua boten hin / die lieffen zur Hütten / vnd ſi­he / Es war verſchorren in ſei­ner hütten / vnd das ſilber drunder. ²³Vnd ſie namens aus der hütten / vnd brachtens zu Joſua vnd zu allen kin­dern Iſ­ra­el / vnd ſchuttens fur den HER­RN. ²⁴Da nam Joſua vnd das gantze Iſ­ra­el mit jm / Achan den ſon Serah / ſampt dem Silber / Mantel / vnd gülden Zunge / ſei­ne Söne vnd Töchter / ſei­ne ochſen vnd eſel vnd ſchafe / ſei­ne Hütten / vnd alles was er hatte / vnd füreten ſie hin auff ins tal Achor. ²⁵Vnd Joſua ſprach / Weil du vns

Das Bucĥ     C. VIII.

Acĥan․

betrübt haſt / So betrübe dich der HERR an die­ſem ta­ge / Vnd das gantze Iſ­ra­el ſteinigeten jn / vnd verbranten ſie mit fewr. Vnd da ſie ſie geſteiniget hatten / ²⁶machten ſie vber ſie ein gro­ſſen Steinhauffen / der bleibt bis auff die­ſen tag. Al­ſo keret ſich der HERR von dem grim ſei­nes zorns / Daher heiſſt der ſelb Ort / das tal Achor / bis auff die­ſen tag.

✽