Das 3. Buch Mose
Levitikus

Das Dritte Bucĥ
Moſe.

XXII.

V.6

Die Heiligkeit des Opfermahls

A. Die Priester und das Opfermahl

VND der HERR redet mit Mo­ſe / vnd ſprach / ²Sage Aaron vnd ſei­nen Sö­nen / das ſie ſich c ent­hal­ten von dem Hei­li­gen den kin­der Iſ­ra­el / welchs ſie mir hei­li­gen / vnd mei­nen heiligen Namen nicht ent­hei­li­gen / Denn ich bin der HERR. ³So ſa­ge nu jnen auff jre Nach­ko­men / Welcher ewrs ſamens erzu tritt zu dem heiligen / das die kin­der Iſ­ra­el dem HER­RN heiligen / vnd ver­un­rei­nigt ſich al­ſo vber dem ſelben / des Seele ſol aus­ge­rot­tet wer­den fur meinem Andlitz / Denn ich bin der HERR.

⁴WElcher des ſamens Aarons auſſetzig iſt / oder einen flus hat / Der ſol nicht eſſen von dem Heiligen / bis er rein wer­de. Wer etwa einen vnreinen Leib anrüret / Oder wel­chem der Same entgehet im ſchlaff / ⁵Vnd welcher jrgent ein Ge­würm anrüret das jm vnrein iſt / Oder einen Men­ſchen der jm vnrein iſt / vnd alles was jn verunreinigt / ⁶welche Seele der eins anrüret / die iſt vnrein bis auff den abend. Vnd ſol von dem Heiligen nicht eſſen / ſon­dern ſol zu­uor ſei­nen Leib mit waſ­ſer baden / ⁷Vnd wenn die Sonne vntergangen / vnd er rein wor­den iſt / denn mag er daruon eſſen / denn es iſt ſei­ne narung. ⁸Ein Aſs / vnd was von wilden Thie­ren zuriſſen iſt / ſol er nicht eſſen / auff das er nicht vnrein dran wer­de / Denn ich bin der HERR. ⁹Da­r­umb ſollen ſie meine Satze hal­ten / Das ſie nicht ſünde auff ſich laden vnd dran ſterben / wenn ſie ſich entheiligen / Denn ich bin der HERR der ſie heiliget.

B. Geduldete und unerwünschte Gäste beim Opfermahl

¹⁰KEin ander ſol von dem Heiligen eſſen / noch des Prie­ſters hausgenos / noch taglöner. ¹¹Wenn aber der Prie­ſter eine Seele vmb ſein geld kaufft / der mag dauon eſſen / Vnd was jm in ſei­nem Hau­ſe geborn wird / das mag auch von ſei­nem brot eſſen. ¹²Wenn aber des Prie­ſters toch­ter eins Fremb­den weib wird / die ſol nicht von der heiligen Hebe eſſen. ¹³Wird ſie aber eine Widwen

III. Bucĥ    C․ XXII.XXIII.

Kircĥen

Rechte.

oder ausgeſtoſſen / vnd hat keinen Samen / vnd kompt / wi­der zu jrs Vaters hau­ſe / So ſol ſie eſſen von jrs Vaters brot / als da ſie noch eine Magd war. Aber kein Frembd­lin­ger ſol dauon eſſen.

¹⁴WErs ver­ſi­het vnd ſonſt von dem Heiligen iſſet / der ſol das fünffte teil dazu thun / vnd dem Prie­ſter geben ſampt dem Heiligen / ¹⁵auff das ſie nicht entheiligen das Heilige der kin­der Iſ­ra­el / das ſie dem HER­RN Heben / ¹⁶Auff das ſie ſich nicht mit miſ­ſe­that vnd ſchuld beladen / wenn ſie jr Geheiligtes eſſen / Denn ich bin der HERR der ſie heiliget.

C. Die Opfertiere

VND der HERR redet mit Moſe / vnd ſprach / ¹⁸Sage Aaron vnd ſei­nen Sönen / vnd allen kin­dern Iſ­ra­el / Welcher Iſ­ra­eliter oder Frembd­lin­ger in Iſ­ra­el ſein Opf­fer thun wil / es ſey jrgent jr gelübd oder von freiem willen / das ſie dem HER­RN ein Brand­op­f­fer thun wöl­len / das jm von euch angeneme ſey / ¹⁹Das ſol ein Menlin vnd on wandel ſein / von rindern oder lemmern oder zigen. ²⁰Alles was einen Feil hat / ſolt jr nicht opffern / Denn es wird fur euch nicht angeneme ſein.

²¹VNd wer ein Danck­op­f­fer dem HER­RN thun wil / ein ſon­der­lich gelübd / oder von freiem willen / von rindern oder ſchafen / das ſol on wandel ſein / das es angeneme ſey / Es ſol keinen feil haben. ²²Iſts blind oder gebrechlich / oder ge­ſchla­gen / oder dürre / oder reudicht / oder ſchebicht / So ſolt jr ſolchs dem HER­RN nicht opffern / vnd dauon kein Opf­fer geben auff den Altar des HER­RN.

²³EIn ochſen oder ſchaf / das vngewönlich gelied / oder a wandelbar gelied hat / magſtu von freiem willen opffern / Aber angeneme mags nicht ſein zum gelübd. ²⁴Du ſolt auch dem HER­RN kein zuſtoſſens / oder zuriebens / oder zuriſſens / oder das verwund iſt / opffern / vnd ſolt in ewrem Lande ſolchs nicht thun. ²⁵Du ſolt auch ſolcher keins von eines Frembd­lin­gen hand / neben dem brot ewrs Got­tes / opffern / Denn es taug nicht / vnd hat einen feil / Da­r­umb wirds nicht angeneme ſein fur euch.

²⁶VND der HERR redet mit Moſe / vnd ſprach / ²⁷Wenn ein ochs oder lamb oder zige geboren iſt / So ſol es ſieben ta­ge bey ſei­ner mutter ſein / vnd am achten ta­ge / vnd dar­nach mag mans dem HER­RN opffern / ſo iſts angeneme. ²⁸Es ſey ein ochs oder lamb / So ſol mans nicht mit ſei­nem Jungen auff einen tag ſchlachten.

²⁹WEnn jr aber wolt dem HER­RN ein Lobopffer thun / das fur euch angeneme ſey / ³⁰So ſolt jrs deſſelben ta­ges eſſen / vnd ſolt nichts vbrigs bis auff den morgen behalten / Denn ich bin der HERR.

D. Abschließende Ermahnung

³¹Da­r­umb hal­tet mein Gebot / vnd thut dar­nach / Denn ich bin der HERR / ³²das jr mei­nen heiligen Namen nicht entheiliget / vnd ich geheiliget wer­de vn­ter den kin­dern Iſ­ra­el / Denn ich bin der HERR der euch heiliget / ³³der euch aus Egyp­ten­land gefürt hat / das ich ewr Gott we­re / Ich der HERR.

✽