Das Buch Nehemia

Das Bucĥ Nehemiá.

XIII.

V.

NEHEMIAS REFORMEN

Der Ausschluss der Fremden

VND es ward zu der zeit geleſen das Buch Moſe fur den ohren des Volcks / vnd ward funden drinnen geſchrieben / Das die Ammoniten vnd Moabiten ſollen nimer mehr in die gemeine Got­tes komen. ²Dar­umb / das ſie den kin­dern Iſ­ra­el nicht zuuor ka­men mit brot vnd wa­ſſer / vnd dingeten wi­der ſie Bileam / das er ſie verfluchen ſolt / Aber vn­ſer Gott wand den fluch in einen ſegen. ³Da ſie nu dis Ge­ſetz hö­re­ten / ſcheideten ſie alle Frembd­lin­gen von Iſ­ra­el.

Nehemia beseitigt Mißstände im Tempel

⁴Vnd vor dem hatte der Prie­ſter Eliaſib in den Kaſten am Hau­ſe vn­ſers Got­tes / geleget das opffer Tobia. Denn er hatte jm einen gro­ſſen Kaſten gemacht / ⁵vnd da hin hatten ſie zuuor gelegt / Speis­op­f­fer / Wey­rauch / Gerete / vnd die Ze­hen­den vom getreide / moſt vnd öle / nach dem gebot der Le­ui­ten / Senger vnd Thorhüter / dazu die Hebe der Prie­ſter.

⁶ABer in die­ſem allen war ich nicht zu Je­ru­ſa­lem / Denn im zwey vnd drei­ſſig­ſten jar Arthahſaſtha / des Königes zu Babel / kam ich zum Könige / vnd nach etlichen ta­gen erwarb ich vom Könige / ⁷das ich gen Je­ru­ſa­lem zoch. Vnd ich mercket / das nicht gut war / das Eliaſib an Tobia ge­than hatte / das er jm einen Kaſten machet im Hofe am Hau­ſe Got­tes. ⁸ Vnd verdros mich ſeer / vnd warff alle Gerete vom hau­ſe Tobia hin aus fur den Kaſten. ⁹Vnd hies / das ſie die Kaſten reinigeten / Vnd ich bracht wi­der da­ſelbs hin / das Gerete des hau­ſes Got­tes / das Speis­op­f­fer vnd Wey­rauch.

VND ich erfur / das der Le­ui­ten teil jnen nicht gegeben waren / Derhalben die Le­ui­ten vnd Senger geflohen waren / ein jg­li­cher zu ſei­nem acker zuerbeiten. ¹¹Da ſchalt ich die Oberſten / vnd ſprach / Warumb ver­la­ſſen wir das haus Gottes? Aber ich verſamlet ſie / vnd ſtellet ſie an jre ſtet. ¹²Da bracht gantz Juda die Zehende vom getreide / moſt vnd öle zum Schatz. ¹³Vnd ich ſetzt vber die Schetze Selemja den Prie­ſter / vnd Zadok den Schrifftgelerten / vnd aus den Le­ui­ten Pedaja / vnd vn­ter jre hand Hanan / den ſon Sachur / des ſons Mathanja / Denn ſie wurden fur trew gehalten / vnd jnen ward be­fol­hen jren Brüdern aus zu teilen. ¹⁴Gedencke mein Gott mir daran / vnd tilge nicht aus meine barm­her­tzig­keit / die ich an meines Got­tes hau­ſe / vnd an ſei­ne Hut ge­than habe.

Nehemia setzt die Heiligung des Sabbats durch

ZVR ſelben zeit ſa­he ich in Juda Kelter tretten auff den Sab­bath / vnd Garben er ein bringen / vnd Eſel beladen mit wein / drauben / feigen / vnd al­ler­ley laſt zu Je­ru­ſa­lem bringen / auff den Sab­bath tag. Vnd ich be­zeu­get ſie des ta­ges / da ſie die futterung verkaufften. ¹⁶Es woneten auch Tyrer

drinnen / die brachten Fiſch vnd al­ler­ley Wahr / vnd verkaufftens auff den Sab­bath den kin­dern Juda vnd Je­ru­ſa­lem. ¹⁷Da ſchalt ich die Oberſten in Juda / vnd ſprach zu jnen / Was iſt das bö­ſe ding / das jr thut / vnd brecht den Sab­ba­ther tag? ¹⁸Theten nicht vn­ſer Veter al­ſo / vnd vn­ſer Gott füret alle dis vnglück vber vns vnd vber die­ſe Stad? Vnd jr macht des zorns vber Iſ­ra­el noch mehr / das jr den Sab­bath brecht.

VND da die thor zu Je­ru­ſa­lem auffgezogen waren fur dem Sab­bath hies ich die thür zuſchlieſſen / vnd befalh / Man ſolt ſie nicht auff­thun / bis nach dem Sab­bath / Vnd ich beſtellet meiner Knaben etliche an die thor das man keine Laſt er ein brecht am Sab­ba­ther ta­ge. ²⁰Da blieben die Kremer vnd Verkeuffer mit al­ler­ley wahr vber nacht drauſſen fur Je­ru­ſa­lem / ein mal oder zwey. ²¹Da zeuget ich jnen / vnd ſprach zu jnen / Warumb bleibet jr vber nacht vmb die mau­ren? Werdet jrs noch eineſt thun / So wil ich die hand an euch legen. Von der zeit an ka­men ſie des Sab­baths nicht. ²²Vnd ich ſprach zu den Le­ui­ten / die rein waren / das ſie kemen vnd hütten der thor / zu heiligen den Sab­bathtag. Mein Gott / Gedenck mir des auch / vnd ſchone mein nach deiner gro­ſſen barm­her­tzig­keit.

Nehemia geht gegen die Verbindung mit fremden Frauen vor

ICH ſa­he auch zu der zeit Jü­den die weiber namen von Asdod / Ammon vnd Moab. ²⁴Vnd jre Kinder redeten die helfft Asdodiſch / vnd kundten nicht Jüdiſch reden / Son­dern nach der ſprach eines jg­li­chen volcks. ²⁵Vnd ich ſchalt ſie / vnd flucht jnen / vnd ſchlug etliche Men­ner / vnd raufft ſie / Vnd nam einen Eid von jnen bey Gott / Ir ſolt ew­re Töchter nicht geben jren Sönen noch jre Töchter ne­men ew­ern Sönen oder euch ſelbs. ²⁶Hat nicht Salomo der könig Iſ­ra­el daran ge­ſün­di­get? Vnd war doch in vielen Hei­den kein König jm gleich / vnd er war ſei­nem Gott lieb / vnd Gott ſetzt jn zum Könige vber gantz Iſ­ra­el / Noch machten jn die auslendiſche Wei­ber zu ſun­den. ²⁷Habt jr das nicht ge­hö­ret / das jr ſolch gros vbel thut / euch an vn­ſerm Gott zu vergreiffen mit auslendiſche Wei­ber ne­men.

²⁸VND einer aus den kin­dern Joiada / des ſons Eliaſib des Ho­hen­prie­ſters hatte ſich befreundet mit Saneballat den Horoniten / Aber ich jaget jn von mir. ²⁹Gedenck an ſie mein Gott / die des Prie­ſter­thums los ſind wor­den / vnd des Bunds des Prie­ſter­thums vnd der Le­ui­ten. ³⁰Al­ſo reiniget ich ſie von allen auslendiſchen / vnd ſtellet die Hut der

Prie­ſter vnd Le­ui­ten / einen jg­li­chen zu ſei­nem
ge­ſcheff­te / ³¹Vnd zu opffern das holtz zu
beſtimpten zeiten / vnd die Erſtlingen.
Gedenck meiner / mein Gott im beſten.

Ende des Buchs Nehemia.

❦❧