Euangelium
S. Johannes.

C. XX.

Verse 11 - 18

Nach der Auferstehung Jesu:
Der Auferstandene erscheint Maria Magdalena

||  Mt 28,9-10    ||  Mk 16,9-11

MAria aber ſtund fur dem Gra­be / vnd wei­net drauſ­ſen. Als ſie nu wei­net / ku­cket ſie in das Grab / ¹²vnd ſi­het zwe­en En­gel in weiſ­ſen Klei­dern ſi­tzen / Ei­nen zun heub­ten / vnd den an­dern zun füſ­ſen / da ſie den leich­nam Jhe­ſu hin ge­legt hat­ten. ¹³Vnd die­ſel­bi­gen ſpra­chen zu jr / Weib / was wei­ne­ſtu? Sie ſpricht zu jnen / Sie ha­ben mei­nen Herrn weg­ge­no­men / vnd ich weis nicht / wo ſie jn hin ge­legt ha­ben.

VND als ſie das ſa­get / wand­te ſie ſich zu rü­cke / vnd ſi­het Jhe­ſum ſte­hen / vnd weis nicht das es Jhe­ſus iſt. ¹⁵Spricht Jhe­ſus zu jr / Weib / was wei­ne­ſtu? wen ſu­che­ſtu? Sie mei­net es ſey der Gart­ner / vnd ſpricht zu jm / Herr / ha­ſtu jn weg­ge­tra­gen? ſo ſa­ge mir / wo ha­ſtu jn hin ge­le­get? ſo wil ich jn ho­len. ¹⁶Spricht Jhe­ſus zu jr / Ma­ria. Da wand­te ſie ſich vmb / vnd ſpricht zu jm / Ra­bu­ni / das heiſ­ſet Mei­ſter. ¹⁷Spricht Jhe­ſus zu jr / Rü­re mich nicht an / denn ich bin noch a nicht auff­ge­fa­ren zu mei­nem Va­ter. Ge­he aber hin zu mei­nen Brü­dern / vnd ſa­ge jnen / Ich fa­re auff zu mei­nem Va­ter / vnd zu ew­rem Va­ter / Zu mei­nem Gott / vnd zu ew­rem Gott.¹⁸Ma­ria Mag­da­le­na kompt vnd ver­kün­di­get den Jün­gern / Ich hab den HErrn ge­ſe­hen / vnd ſolchs hat er zu mir ge­ſagt.

✽